FANDOM


Car co-interlinguophonos: io es felice de annunciar que le traduction in interlingua del interfacie usator de Wikia ha devenite plus complete.

Via le sito Translatewiki io me occupa ja durante plure annos con le traduction del software MediaWiki que executa sitos como Wikipedia. Wikia usa iste software tamben, ma con multe extensiones additional e specific a Wikia. Plure septimanas retro, translatewiki.net offereva le collection complete (?) del extensiones specific a Wikia pro traduction. Io les ha traducite, un total de 1909 messages al momento de scriptura.

Il pare que le messages traducite in interlingua ha ja comenciate a apparer hic in le interfacie de interlingua.wikia.com, substituente le previe messages in anglese. Isto pare esser un processo gradual que deberea esser completate durante le veniente septimanas o menses.

Per favor remitte omne suggestiones o correctiones super le traduction a me personalmente, o melio, inscribe te como traductor de interlingua a translatewiki.net e face te membro del equipa de traduction in interlingua!

Community content is available under CC-BY-SA unless otherwise noted.