Curso de conversation in Interlingua

Interlingua, Curso de conversation

Un curso de conversation con dialogos e exercitios de diverse typos.
Jovedi le 14 de augusto 2003
Per Harleigh Kyson J.r
Redigite per Erik Enfors

INTERLINGUA, UN INTRODUCTION

Interlingua es un lingua planificate ex le elementos commun al anglese, al francese, al italiano, al latino, e al espaniol/portugese (considerate como un sol lingua).

Le formas del vocabulario de interlingua es le resultato de studios detaliate per un gruppo de philologos professional qui voleva trovar le formas le plus generic del vocabulario grecolatin, que forma le patrimonio lexical international del linguas europee e del vocabulario del scientias.

Le grammatica de interlingua es multo simplificate. Illo ha le structuras commun inter su linguas fonte ma sin lor irregularitates, e un persona qui cognosce ben un o duo ex le linguas fonte de interlingua pote leger textos in interlingua sin instruction previe e comprender al minus 80 o 90% de lor contento.

Interlingua ha essite usate con multe successo in multe contextos de communication international. Illo anque ha essite multo utile como un introduction al studio de linguas in general.

Pro informationes ulterior sur interlingua, consulta [Interlingua in interlingua].

CURSO DE CONVERSATION IN INTERLINGUA

Iste curso de conversation in interlingua es multo simile a un pecia de theatro pro le radio. Illo es principalmente le historia de duo protagonistas, Catherina e Petro, qui travalia pro Marex Mundial, un compania specialisate in systemas de transporto urban. Le curso es in octo partes, e cata parte ha sex scenas.

Ante cata scena appare un summario de su contento. Post le major parte del scenas il ha un parve exercitio que explica alcun characteristicas del interlingua usate in le scenas. Le curso ha un guida que apprende le interlingua parlate exactemente como vos lo face e qui explica le scopo del exercitios.

Vos pote leger iste curso, preferibilemente con altere personas como si vos habeva un conversation con illes. Finalmente io spera que un gruppo de interlinguistas con alcunos ex le talentos de actores professional facera registrationes de iste curso e lo distribuera gratis trans le Rete.

Le linguage conversational es assatis differente del linguage destinate solmente a esser legite, e io spera que post studiar iste conversationes vos potera conversar liberemente plus facilemente con altere personas in interlingua.

Harleigh Kyson Jr.

• Capitulo I
  • Capitulo I Scenas 1 e 2
  • Capitulo I Scenas 3 e 4
  • Capitulo I Scenas 5 e 6

• Capitulo II
  • Capitulo II Scenas 1 e 2
  • Capitulo II Scenas 3 e 4
  • Capitulo II Scenas 5 e 6

• Capitulo III
  • Capitulo III Scenas 1 e 2
  • Capitulo III Scenas 3 e 4
  • Capitulo III Scenas 5 e 6

• Capitulo IV
  • Capitulo IV Scenas 1 e 2
  • Capitulo IV Scenas 3 e 4
  • Capitulo IV Scenas 5 e 6

• Capitulo V
  • Capitulo V Scenas 1 e 2
  • Capitulo V Scenas 3 e 4
  • Capitulo V Scenas 5 e 6

• Capitulo VI
  • Capitulo VI Scenas 1 e 2
  • Capitulo VI Scenas 3 e 4
  • Capitulo VI Scenas 5 e 6

• Capitulo VII
  • Capitulo VII Scenas 1 e 2
  • Capitulo VII Scenas 3 e 4
  • Capitulo VII Scenas 5 e 6

• Capitulo VIII
  • Capitulo VIII Scenas 1 e 2
  • Capitulo VIII Scenas 3 e 4
  • Capitulo VIII Scenas 5 e 6