Curso de conversation in Interlingua/PARTE IV Section 2 Scena 6

Paris, un centro de conferentias: Petro es nunc in le sala de conferentias e face le prime cognoscentia de Gerardo Florette.

Gerardo demanda a Petro si su viage a Paris in avion esseva confortabile e si a ille place su hotel. Petro dice que su avion arrivava tarde e que ille habeva alcun difficultates con le empleato del hotel ante que ille recipeva le clave a su camera.

Gerardo anque demanda a Petro como sta Catherina e postea dice a Petro que le conferentia non ha alcun nove productos o systemas a offerer a su participantes.

Petro alora vide le senior Melville, le empleato de un compania competitor con le sue, e il pare que il va haber un lucta verbal inter illes.

---

Un femina: Bon die.

Petro: Bon die.

Le femina: Vos es ...

Petro: Petro Minelli, de Marex Mundial.

Le femina: Ah, si, senior Minelli. Ecce vostre carta de identification. Ah, il ha un senior qui vos attende.

Petro: Ah, bon.

Le femina: Ille es illac, apud le fenestra.

Petro: Gratias. Excusa me.

Gerardo: Petro Minelli?

Petro: Si, es io. E vos debe esser Gerardo Florette.

Gerardo: Exactemente. Esque vos ha habite un viage bon a Paris ab Geneva?

Petro: Le avion in le qual io volava arrivara retardate.

Gerardo: A causa del temperie mal?

Petro: Si. E io anque habeva alcun difficultates con le empleato del hotel a causa de haber arrivate retardate.

Gerardo: Vermente?

Petro: Ma il non esseva multo grave. Io poteva regular toto sin difficultate.

Gerardo: Io detesta le hoteles. Como es le cosas in Geneva? E como es Catherina?

Petro: Catherina sta ben. Il non ha alque extraordinari in Geneva. Nos solmente comencia nostre operationes, e nos non ha multe travalio.

Gerardo: Ah, non vos plange.

Petro: E hic? Como es le presentation?

Gerardo: Assatis ben. Nihil special. Sempre le vetule cosas. Petro: Que? Ma illes sempre parla de systemas de controlo completemente integrate.

Gerardo: Si, ma illo es sempre le mesme cosa.

Petro: Io credeva que iste vice illes habeva alcun nova a monstrar nos.

Gerardo: Deo mie, no.

Petro: Alora pro que es vos hic?

Gerardo: Il es melior que esser sempre in le officio.

Petro: Ma qual perdita de tempore!

Gerardo: Possibilemente. Ma il es plus agradabile que prender the in un hotel de luxo.

Petro: Eh, qui es ille, illac?

Gerardo: De qui parla vos?

Petro: Le homine in ille habito brun?

Gerardo: Il me pare que io le cognosce.

Petro: Io mesme, io le cognosceva durante un viage recente in avion.

Gerardo: Ah si?

Petro: Io vole parlar a ille. Eh, senior Melville, io ha alcun parolas a dicer a vos.

Guida: Io es curiose de saper lo que Petro va dicer al senior Melville. Pro discoperir lo, que nos ascolta le proxime scena.