Interlingua Wiki
Register
Advertisement

Petro es con Catherina. Ille se preoccupa multo sur lo que va passar post que Alicia arrivara a Geneva si le telex que ille la ha inviate arriva troppo tarde. Catherina sympathisa, ma illa dice que illa non haberea objectiones contra facer le cognoscentia de Alicia.

Petro alora monstra a Catherina un annuncio pro le position de un ingeniero in Mexico. Ille volerea facer un sollicitation pro le position proque ille non ha assatis a facer in Geneva, e ille deveni enoiate.

Ille demanda a Catherina si illa le darea un referentia si ille contactava le compania que offere iste position, e illa dice que illa esserea felice de facer lo.

---

Petro: Le plus tosto possibile. Lunedi? Il esserea perfecte. Si Si. Io comprende. Multo ben. Alora nos vos videra le proxime lunedi. A revider.

Catherina: Petro, io volerea ...

Petro: Nos ha un secretaria.

Catherina: Oh, multo ben.

Petro: Io justo nunc parlava a illa in le telephono, vos sape, a Francesca Cardano.

Catherina: Ben. Quando pote illa comenciar?

Petro: Le lunedi proxime.

Catherina: Multo ben.

Petro: Si. Io pensa que illa nos servira ben. Un altere cosa: Io mesme non essera hic in le officio le lunedi proxime. Esque vos potera orientar la.

Catherina: Si, io pote facer lo. Io la presentara a omne le alteres, e io explicara a illa un poco sur le travalio que nos face.

Petro: Multo ben, gratias.

Catherina: Ben. Intertanto, reguarda isto. Io justo lo ha recipite.

Petro: Que es illo?

Catherina: Jovedi, Paris, Hotel d'Albion.

Petro: Ah, si, Infomat.

Catherina: Si. Illo es lor nove systema de controlo integrate.

Petro: Illo poterea esser interessante.

Catherina: Illo ha un aspecto un poco technic. Illo es alque plus in vostre area de expertise que in le mie.

Petro: Un systema de controlo completemente integrate. Illo ha possibilitates multo interessante.

Catherina: Illo es un presentation. Un presentation e un conferentia.

Petro: Quatro horas, jovedi, in le postmeridie. Il es troppo tarde pro le prandio, ma non assatis tarde pro dinar. Illes vole simplemente offerer nos alcun tassas de the e alcun biscuites. Illo non suffice. Ma Infomat face productos multo bon. E si isto es un producto nove, ...

Catherina: Vos essera a Paris in ille momento?

Petro: Si. Io essera illac ab mercuridi.

Catherina: Ben. Vos vole que io les notifica que vos va vader a illac?

Petro: Si, gratias.

Catherina: Gerardo anque essera la, Gerardo Florette.

Ille sempre va a omne iste conferentias. Io va demandar que ille vos monstra toto lo que es importante in ille conferentia de Infomat.

Petro: Gratias. (Usante le telephono) Hello? Io volerea reservar un sede in un volo pro Paris mercuridi in le postmeridie. Si, exactemente. Si, illo es multo ben. Io vole retornar jovedi in le tarde. Mi nomine es Minelli: em, i, en, e duple el, i. Em como Mama. Multo ben. E io anque volerea reservar un camera de hotel pro le tempore que io essera illac. Esque io pote facer isto per vostre agente?

EXERCITIO 4: Orthographia

Guida: Quando le curso comenciava, io ha apprendite con vos a dicer le letteras in interlingua, e io volerea practicar los un poco a iste puncto. Que nos nunc ascolta le orthographia de alcun nomines.

Un homine: Francesco:

Un femina: Ef, er, a, en, tse, e, es, tse, o.

Un homine: Melville:

Unfemina: Em, e, el, ve, i, duple el, e.

Un homine: Switza:

Un femina: Es, duple v, i, te, zeta, a.

Un homine: Paris:

Un femina: Pe, a, er, i, es.

Un homine: London:

Un femina: El, o, en, de, o, en.

Un homine: Geneva:

Un femina: Ge, e, en, e, ve, a.

Guida: Ben. Il nunc es mercuridi in le vespere. Petro es in Paris. Ille arriva a su hotel.

..............................

Advertisement