Curso de conversation in Interlingua/PARTE IV Section 1 Scena 3

In iste scena Petro e Catherina mangia in un café presso lor officio. Petro pensa que Catherina pare multo juvene pro occupar un position in le compania con tante responsabilitates, e ille la demanda alcun informationes assatis indiscrete: Qual esseva su etate e si illa unquam voleva maritar se.

Catherina responde de un maniera multo candide e postea parla a Petro sur su interview con Francesca Cardano, le candidata pro position de secretaria. Petro crede que illa esserea un secretaria ideal.

Catherina solmente vole assecurar que illa pote comenciar su travalio post multo poc tempore proque illes ha besonio de alcuno immediatemente durante que illes face preparationes pro aperir lor officio in Geneva.

---

Petro: Io trova iste loco multo agradabile pro prander.

Catherina: Si, anque io. E le precios non es multo alte.

Petro: Catherina?

Catherina: Si?

Petro: Vos me pare assatis juvene pro esser responsabile pro un projecto como isto.

Catherina: Vos crede?

Petro: Si. Io spera que isto non vos irrita.

Catherina: No, de nulle maniera. 0, Petro: Il non ha multe feminas in vostre profession.

Catherina: Si. Vos ha ration. Il ha multe poches.

Petro: E il me surprende trovar un femina de vostre qualificationes a vostre etate.

Catherina: Vos lo trova exceptional?

Petro: Si. Il es completemente exceptional, multo rar.

Catherina: Forsan io ha habite multe fortuna.

Petro: E, como io diceva, vos pare ben juvene pro illo. Esque io pote demandar vostre etate?

Catherina: Petro, vos sape, on nunquam debe demandar al feminas lor etate.

Petro: Ma vos non es un femina. Vos es un collega.

Catherina: Ah, multe gratias.

Petro: Io non voleva dar a vos ille typo de mal impression.

Catherina: Io sape. De tote manieras, il non es un secreto. Io ha trenta-tres annos.

Petro: Trenta-tres annos. E vos nunquam ha volite maritar vos?

Catherina: Vermente io esseva maritate, durante duo annos.

Petro: In Belgia?

Catherina: Si.

Petro: E que passava?

Catherina: Il habeva multe differentias inter nos que io gradualmente discoperiva durante le prime anno de nostre maritage.

Petro: Vostre marito anque travaliava in le transportos?

Catherina: No, ille esseva un professor de biologia.

Petro: Io comprende. E como esseva le discussiones in le centro informative iste matino?

Catherina: Toto vadeva ben. Io crede que nos habera lo que nos vole. E le interview que vos habeva iste matino, como esseva illo?

Petro: Oh, io crede que illa es un bon candidato.

Catherina: Ah, bon. Qual es su nomine?

Petro: Francesca. Io non memora su supernomine. Io ha su nomine in le officio.

Catherina: Alora vos crede que illa pote facer le travalio?

Petro: Si, io crede. Illa es sympathic e ha un bon cognoscentia de linguas: anglese, germano, espaniol. Su experientia es assatis bon. Ma illa ha travaliate solmente in grande companias, e iste position essera un poco differente pro illa.

Illa a vices debera gerer le affaires del officio completemente sol. Ma illa es melior que omne le alteres. Esque vos vole parlar con illa ante que nos face un decision final?

Catherina: No, no. Io ha confidentia in vos.

Petro: Bon. Quanto a me, io crede que illa es le persona que nos debe contractar.

Catherina: Multo ben. E quando potera illa comenciar?

Petro: Io diceva a illa que nos iva contactar la iste septimana.

Catherina: Ben. Io crede que nos debe contactar la tosto. Nos vole activar le officio le plus tosto possibile.

Petro: Io sape, io sape.

EXERCITIO 3: Ascoltar e comprender.

Guida: Que nos resta in le café ubi Petro e Catherina mangia e ascolta le conversation de altere personas qui mangia ibi. De que parla illes?

Prime femina: Il es probabile que tu jam lo ha gustate.

Secunde femina: Io non lo crede. Io non ha alcun memoria de illo.

Prime femina: Vamos. Essaya lo.

Secunde femina: Que es illo?

Prime femina: Vodka e succo de orange con sucre. Ingredientes differente.

Secunde femina: Esque illo es multo forte?

Prime femina: No, no. Ma naturalmente, si tu bibe sex o septe, ...

Secunde femina: Oh, io nunquam lo facerea .

Prime femina: Io vole facer un cocktail party, ma un ver cocktail party, con diverse cocktails differente.

Secunde femina: Si. Il esserea un idea excellente.

Sur le thema del annos 1920 (dece-novem centos vinti). Tu poterea haber musica de ille epocha, specialmente le jazz. E omnes portarea vestimentos de ille annos.

Prime femina: Bon. Tu vole biber un vodka con succo de orange como un essayo?

Secunde femina: Io non sape.

Prime femina: Vamos. Essaya lo. Illo non vos occidera.

Secunde femina: Si, proque non? Io non travalia iste postmeridie. Prime femina: Io va essayar appellar le garson.

Guida: Si. Io jam comprende. Alora Catherina e Petro nunc ha retornate a lor officios. Vamos vider lo que passa inter illes.